Baelor Breakspear – ගෞරවය වෙනුවෙන් ජීවිතය දුන් උරුමක්කරු
Baelor Breakspear ලෙස හැඳින්වෙන Baelor Targaryen කුමරු, House Targaryen හි සාමාජිකයෙකු සහ Dragonstone හි කුමාරයා ය. Baelor කුමරු 170 AC දී උපත ලැබීය. ඔහු Daeron II Targaryen රජුගේ සහ Myriah Martell රැජිනගේ වැඩිමහල් පුත්රයා සහ උරුමක්කාරයා විය. Baelor Iron Throneහී උරුමක්කාරයා බවට පත්ව, පසුව “Prince of Dragonstone” යන පදවිය ලැබීය. Baelor the Blessed ලෙස ප්රසිද්ධ Baelor I Targaryen රජුගේ නමින් ඔහු නම් කර ඇති අතර 196 AC සිට 209 AC දක්වා ඔහු තම පියාගේ Hand of the King ලෙස සේවය කළ අතර, Daemon Blackfyreගේ කැරැල්ල මැඩපැවැත්වීමේදී ප්රබල නායකයෙකු ලෙස ඉතිහාසයට ඇතුළත් විය.
Baelor කුමරුට ඔහුගේ මව Myriah Martellට සමාන අඳුරු හිසකෙස් සහ Dorne වංශයට ආසන්න ලක්ෂණ තිබුණි. එබැවින් බොහෝ දෙනා ඔහු Targaryen වරුන්ට වඩා Martell වරුන්ට සමාන බව පැවසූහ. රණශූරයෙකු වූ Baelor, නයිට්වරයෙකු, ස්වාමියෙකු හෝ උරුමක්කාරයෙකු තුළ තිබිය යුතු සියලුම ගුණාංග අභිබවා ගිය චරිතයකි. ගෞරවය දිනාගැනීම ඔහුට අපහසු නොවීය. ඔහු තම පියා වූ Daeron II Targaryen රජු මෙන්ම විවෘත, සාධාරණ සහ කාරුණික මිනිසෙකු විය. ගෞරවනීය සතුරන්ට අනුකම්පාවෙන් සැලකීමත්, වරද පිළිගෙන පක්ෂපාතීත්වය ලබා දෙන අයට සමාව දීමට දෙපාරක් නොසිතීමත් ඔහුගේ විශේෂ ලක්ෂණ විය. Duncan the Tall වැනි සාමාන්ය අවංක මිනිසුන් වෙත පවා Baelor සමීප වීමට තරම් උතුම් මිනිසෙකි.කෙසේවෙතත්, Blackfyre අනුගාමිකයින් අතර සමහරු ඔහුගේ නම Baelor the Blessed යන්න mock කරමින්, “Iron Throneහී වාඩි වූ දුර්වලම රජු” යන නාමය සමඟ සම්බන්ධ කර ඔහුට අපහාස කළහ.
ඔහු Targaryen වංශයේ ලේ රැගෙන උපත ලැබුවද, ඔහුගේ බලය බිහිවූයේ මිනිසුන්ගේ ගෞරවයෙන් මිසක් බියෙන් නොවෙයි.
187 AC දී, ඔහුගේ නැන්දා වූ Daenerys Targaryenගේ විවාහ තරඟාවලියේදී, 17 හැවිරිදි Baelor අවසාන Joust එකේදී Daemon Blackfyre පරාජය කළේය. එම සටනේදී Daemonගේ හෙල්මටයට එල්ල වූ ප්රහාරයෙන් ඔහුගේ Spear එක බිඳ දැමූ නිසා, Baelorට “Breakspear” යන නාමය හිමි විය.Iron Throne සඳහා පසුකාලීනව රුධිරය වැගිරීමට හේතු වූ Blackfyre –Targaryen විරෝධය, මෙහිදී පළමු වරට සටන් පිටියේ මුහුණ දුන්නේ මෙලෙසය.
200 AC දී, Hedge Knight Ser Arlan of Pennytree සමඟ Storm’s End හි තරගාවලියකදී, Prince of Dragonstone නැත්නම් Baelor Targaryen කුමරු තරග කළේය. Arlan තම පරාජයට විරුද්ධත්වය පෙන්වීමට උත්සාහ කළත්, Baelor ඔහු අශ්වයාගෙන් බිම හෙළා (unhorsed) ජයග්රහණය ලබා ගත්තේය. Arlan පසුකාලීනව පවසන්නේ තරගයේදී ඔහු Baelorට එරෙහිව හෙල්ල හතක් බිද දැමුවා කියාය, නමුත් Baelorගේ කුසලතාව නිසා ජය ඔහුගේම විය.17 හැවිරිදි කුමරු Baelor, Tournament හිදී පළමු වරට ප්රතිවාදීන්ට තම විශිෂ්ට බලය පෙන්නුම් කළේය.Targaryen කුමරු, Daeron II රජුගේ අත (Hand of the King) සහ රාජධානියේ ආරක්ෂකයා ලෙස නම් කරන ලදී. Ser Arlan of Pennytree Baelor කෙරෙහි ඉහළ ගෞරවයක් දැක්වූ අතර, ඔහු ධෛර්ය සම්පන්න සහ ප්රඥාවන්තයෙකු ලෙස සැලකේ. Small Council රැස්වීම්වලට Aegon Targaryen කුමරු සහභාගී වූ විට, Baelor ගෞරවනීය සතුරන්ට මරණය සළසා නොදී, ඔවුන්ට සමාව දීමට නිර්දේශ කළ බව ඔහු නිරීක්ෂණය කළේය. ඒ වෙනුවට, Brinden Rivers විශ්වාස කළේ, කැරලිකරුවන්ට සමාව දීම අනාගත කැරලි වලට හේතු විය හැකි යැයි කියාය.මෙය දෙදෙනා අතර ඇති moral philosophy (සදාචාර දර්ශනය) සහ strategic approach (උපාය මාර්ගික ප්රවේශය) මෙන්ම Westeros යුධ ප්රතිපත්තිය හා විශ්වාස මත ඇති පරස්පරතාව දැක්විය හැකි එක් අවස්ථාවක් වේ.
"Uncle Baelor said that clemency was best when dealing with an honorable foe. If a defeated man believes he will be pardoned, he may lay down his sword and bend the knee. Elsewise he will fight on to the death, and slay more loyal men and innocents"
මෙලෙස පැවති සටනට Baelor Breakspea මැදිහත්වීම තීරණාත්මක මොහොතක පැමිණියේය. කැරලිකාර හමුදා නැවතත් ප්රහාර එල්ල කරමින් සිටියදී Baelor විසින් Stormlords සහ Dornishmen කණ්ඩායමක් Blackfyre කැරලිකරුවන්ගේ පිටුපස සිට ඉදිරියට කෙලින්ම මෙහෙයවීය. ඔහුගේ ප්රහාරය වේගවත් හා නිරවද්ය විය. කැරලිකාර කණ්ඩායම් බිය වීම නිසා බිඳී ගිය අතර, බොහෝ දෙනෙක් අවුල් සහගතව පලා ගියහ. කැරැල්ලේ ගම්යතාවය බිඳ දැමීමේදී Baelorගේ නායකත්වය සහ සතුරු හමුදාවේ පසුපසට තීරණාත්මක ලෙස පහර දීම ඉතා වැදගත් විය.
මේ අතර, Maekar කුමරු Baelor සමඟ සම්බන්ධීකරණය පවත්වා ගනිමින්, ඉතිරි පක්ෂපාතී හමුදා එක් කරගෙන කැරලිකරුවන්ගේ ඉදිරිපස සිට පහර එල්ල කරමින් ඉදිරියටම සටන මෙහෙයවීය. මෙහිදි කැරලිකාර හමුදාව ගිරයට අහු වුන දෙහි ගෙඩිය මෙන් විය. Baelor පිටුපසින් පහර දෙන අතරතුර, Maekarගේ හමුදා ඉතිරි Blackfyre සොල්දාදුවන් සමඟ මුහුණට මුහුණලා සටන් කළ අතර, ඔවුන් නැවත සංවිධානය වීම වළක්වා පරාජය සම්පූර්ණ වූ බව සහතික කළහ. Baelor සහ Maekar එක්ව "Pincer Maneuver" උපක්රමයක් ක්රියාත්මක කළ අතර එමඟින් කැරලිකරුවන්ට නැවත නැගිටීමට හෝ පලායමට අවස්ථාවක් නොලැබුණි.
(pincer maneuver යනු හමුදා උපක්රමයක් වන අතර එහිදී බලවේග එකවර සතුරු සැකැස්මක දෙපැත්තටම (පැති දෙකකට) පහර දෙන අතර, පලායාම සහ ශක්තිමත් කිරීම් කපා හැරීමට ඔවුන් වට කරයි. බොහෝ විට ද්විත්ව ආවරණයක් ලෙස හැඳින්වෙන මෙය, බහු දිශාවන්ගෙන් ඔවුන්ව යටපත් කිරීම අරමුණු කරගත්, විරුද්ධවාදීන් කොටු කර ගැනීම සඳහා යොදාගනි.) පසුකාලීනව මේ සටන් ක්රමය ගැන ගීතය්ක්ද ලියවිණි.
“The Hammer and the Anvil” කියන්නෙ, 196 AC First Blackfyre Rebellion කාලයේ Redgrass Field සටනේදී Prince Baelor Targaryen සහ Prince Maekar Targaryen විසින් භාවිතා කළ යුධ උපාය පිළිබඳව සටනින් පසු ගායකයන් විසින් සෑදූ ගීතයයි. මෙම යුධ උපායය ඉතා සරලය සත්ය ලෝකයේ Pincer Maneuver ලෙස හැදින්වුවද වෙස්ටරෝස් තුලදී එය මේ නමින් හැදින්වේ. සීරීස් එකේදි අපි දකිනවා එග් ගහක් උඩට වෙලා සිංදුවක් කියනවා ඉතිං ඒ සුංදුව තමයි "The Hammer and the Anvil" කියන්නෙ. ගීතය ගැන දැන ගැනීමට.
සාරාංශයක් ලෙස, Daemon I Blackfyre සහ ඔහුගේ ලුතිනන්වරු මුලදී යුධ පිටියේ ආධිපත්යය දැරූ අතර, පක්ෂපාතීන්ගේ ජයග්රහණය සහ Blackfyre කැරැල්ලේ පරාජය සහතික කළේ Baelor Breakspear සහ Maekar Targarye උපායමාරගික දක්ෂතාවය සහ කාලෝචිත මැදිහත්වීමයි. මම මේ සටන ගැන වෙනම පෝස්ට් එකක් දාන හින්දා සටන ගැන කෙටියෙන් විස්තර කරේ.
209 AC දී, Ashford Meadow හි පැවති තරඟාවලියේදී, Baelor Targaryen කුමරු Ser Duncan the Tall වෙනුවෙන් පෙනී සිටි අතර ඔහු නිසා Duncan හට තරගයට ඇතුළත් වීමටද හැකි විය. අහිංසක රූකඩ ශිල්පිනියක වූ Tanselle ආරක්ෂා කිරීමට Duncan විසින් Aerion Brightfire කුමරුට පහර දුන් විට, Baelor Duncan සමඟ පෞද්ගලිකව කතා කර ඔහුට නඩු විභාගයේදී කල හැකි දේ පිළිබඳ උපදෙස් දුන්නේය. ඊළඟ දවසේ Baelor විසින් Duncanට එරෙහිව නඩු විභාගයක් පැවැත්වූ අතර මෙයට Baelor සමඟ Prince Maekar, Lord Leo Tyrell, සහ Lord Ashford එක් විය. Duncan විසින් Trial of Combat (දෙදෙනා අතර සටනක්) එකක් ඉල්ලූ අතර Aerion කුමරු ඒ වෙනුවට හත් දෙනෙකුගෙන් යුත් නඩු විභාගයක් (Trial of Seven) ඉල්ලා සිටි අතර, එය ලබා දෙන ලදී. ඔහුගේ සහචරයා වන Aegon Targaryen කුමරු සහ Ser Raymun Fossowayගේ සහාය ඇතිව, Duncanට ඔහු වෙනුවෙන් සටන් කිරීමට මිනිසුන් පස් දෙනෙකු බඳවා ගැනීමට හැකි විය. ඔවුන්ට තවත් එක් අයෙකු අවශ්ය වූ අතර, Baelor Duncanව විශ්වාස කළ නිසා, ඔහුගේ බෑණනුවන් චූදිතයා වුවද, Baelor ඔහු වෙනුවෙන් සටන් කළේය. Duncanගේ පාර්ශවය නඩු විභාගය ජයග්රහණය කළ නමුත් Baelor හට ඔහුගේ සහෝදරයා වන Maekarගෙ අතින් ඔහුගේ හිසට මාරාන්තික පහරක් එල්ල වූ අතර කුමාරයා Baelor Duncanගේ දෑත් මත මිය ගියේය. Targaryen අවමංගල්ය සම්ප්රදායන්ට අනුව Baelorගේ දේහය Ashford හි ආදාහනය කරන ලදී.
Baelor Targaryen කුමරු Jena Dondarrion සමඟ විවාහ වූ අතර, මොවුන්ට දාව Valarr සහ Matarys යන පුතුන් දෙදෙනෙකු උපත ලැබීය. පුතුන් දෙදෙනාම මහා වසන්ත අසනීපයෙන් (Great Spring Sickness) මිය ගිය අතර, එයට ඔවුන්ගේ පියාගේ මරණයෙන් වසරකට වැඩි කාලයක් ගත නොවීය. Baelorගේ පුත් Valarr කුමරු Tyroshහී Kiera සමඟ විවාහ විය. ඇය දෙවරක් දරු ප්රසූතියක් කළ නමුත් පුතුන් දෙදෙනාම මළ දරුවන් ලෙස උපත ලැබීය. Baelorගේ වැඩිමහල් සහෝදරයා වන Aerys I Targaryen, ඔවුන්ගේ පියා වන Daeronට පසු රජ වූ අතර, ඔහුගෙන් පසුව ඔවුන්ගෙ බාල සහෝදරයා වන Maekar I රජ විය. කථාවලට අනුව, Baelorගේ මරණය ගැන Maekar කුමරු සැමවිටම දැඩි ලෙස කනගාටු වූ අතර, සෑම වසරකම එම දවස සැමරීය.
“They will say that I intended to kill my brother. The gods know it is a lie, but I shall hear the whispers until the day I die. The only other enemies he ever faced in single combat were three of the Kingsguard, whose vows forbade them from doing more than defending themselves. So it was me.”
"මම මගේ සහෝදරයාව මරන්න අදහස් කළා කියලා එයාලා කියයි. දෙවිවරු දන්නවා ඒක බොරුවක් කියලා, නමුත් මම මැරෙන දවස වෙනකම් මට ඒ කටහඬ ඇහෙයි. තනි සටනකදී ඔහු මුහුණ දුන් අනෙක් සතුරන් වූයේ කිංග්ස්ගාඩ් එකේ තුන්දෙනෙක් විතරයි, ඔවුන්ගේ පොරොන්දු නිසා තමන්ව ආරක්ෂා කර ගැනීමට වඩා වැඩි දෙයක් කිරීම තහනම් වුණා. ඉතින් ඒ මම."
"And my father … he never thought the throne would pass to him, and yet it did. He used to say that was his punishment for the blow that slew his brother. I pray he found the peace in death that he never knew in life."
Maester Aemon
"මගේ තාත්තා Maekar කවදාවත් හිතුවේ නැහැ සිංහාසනය එයාට හිමිවෙයි කියලා.ඒත් ඒක එහෙම වුණා.ඔහු කියන්නේ ඒක එයාගේ සහෝදර Baelor මරපු පහරට ලැබුණු දඬුවම කියලා.ජීවිතයේ කිසිදා නොදැන සිටි සාමය මරණයෙන් ඔහුට හමු වේවා යි මම ප්රාර්ථනා කරමි."
Maester Aemon
Aegonගේ ආක්රමණයේ ඉදන් රොබට්ගේ කැරැල්ල දක්වා Timeline එක ගැටළු තියෙනවනම් මේ පෝස්ට් එක කියවන්න.
Blackfyre Pretenders ගැන දැනගන්න - House Blackfyre, Blackfyre Pretenders, And Blackfyre Rebellions
Comments
Post a Comment